آن لائن فراڈ کی بڑی واردات، نجی بینک کے درجن بھر صارفین جمع پونجی سے ہاتھ دھو بیٹھے

لاہور(این این آئی)لاہور کے شہری رقم نکالے بغیر لاکھوں روپوں سے محروم ہوگئے۔نجی ٹی وی کے مطابق لاہور میں شہریوں کے بینک اکاؤنٹس سے رقم نکالنے کا فراڈ ہوا ہے، ایک ہی دن میں نجی بینک کے دس سے زائد صارفین لٹ گئے۔واقعے سے متعلق خاتون صارف نے بتایا کہ وہ گھر پر تھیں کہ اکاؤنٹ سے ڈیڑھ لاکھ روپےنکلنے کا میسج آیا، کچھ لمحوں میں ایک لاکھ روپے نکلنے کا ایک اور میسج آیا، متعلقہ بینک پہنچی تو کئی افراد اسی طرح کی شکایت کررہے تھے۔اکاؤنٹس سے رقم نکالنے کے معاملے پر ایک اور بزرگ صارف نے بتایا کہ

میرے اے ٹی ایم کارڈ سے ساڑھے تین لاکھ روپے نکلے ہیں، ہم نے بینک کو اپنی شکایات درج کرادی ہیں۔ دوسری جانب راولپنڈی تھانہ ویسٹریج پولیس کی اہم کارروائی،نجی کمپنی کے ملازم کے ساتھ ڈکیتی کی واردات کا ڈراپ سین ہوگیا،کمپنی کا اپنا ملازم ہی ملوث نکلا،ملزم کوگرفتارکرکے 10 لاکھ روپے برآمدکرلیے،ملزم نے 10 لاکھ روپے غبن کر کے مالک کو ڈکیتی کی جھوٹی اطلاع دی۔راولپنڈی پولیس کا جرائم پیشہ عناصر کے خلاف کاروائیوں کاسلسلہ جاری ہے، تھانہ ویسٹریج پولیس کوگھی سپلائر بشیر احمد نے درخواست دی کہ اسکے ریکوری آفیسر بلال سے ڈاکوؤں نے گن پوائنٹ پر10لاکھ روپے چھین لیے جس پر ویسٹر یج پولیس نے مقدمہ درج کیا،ایس ایچ اوویسٹریج نے اپنی ٹیم کے ہمراہ ڈکیتی کی واردات کا ڈراپ سین کرتے ہوئے ریکوری آفیسر بلال کوگرفتارکرلیا،ایس ایچ اونے بتایاکہ بلال نے موٹر سائیکل کو ویران علاقے میں لے جا کر گن پوائنٹ پر رقم چھیننے کا ڈرامہ رچایا،جھوٹی واردات کو ڈکیتی کا رنگ دینے کی کوشش کی اورمالک بشیر احمد کو واردات کےمتعلق اطلاع دی، پولیس نے موقعہ پر پہنچ کر حالات و واقعات کو مشکوک جانتے ہوئے بلال کو حراست میں لے کر تفتیش کی، دوران تفتیش ملزم نے ڈکیتی کی جھوٹی واردات کا ڈرامہ رچانے کا اعتراف کیا،ملزم سے 10لاکھ روپے بھی برآمد کرلیے گئے، سی پی او محمد احسن یونس نے پولیس کی پیشہ وارانہ مہارت کو سراہتے ہوئے ایس پی پوٹھوہار، ایس ڈی پی او کینٹ، ایس ایچ او ویسٹریج اور پولیس ٹیم کو شاباش دیتے ہوئے کہاکہ ملزم جتنا بھی شاطر اور ہوشیار کیوں نہ ہو قانون کی گرفت سے نہیں بچ سکتا، گرفتار ملزم کے سہولت کاروں کو بھی گرفتار کیا جائے۔

Leave a Reply

%d bloggers like this: