اسامہ ستّی قتل کیس کی جوڈیشل انکوائری رپورٹ منظر عام پر ،لرزہ خیز انکشافات

اسامہ ستّی قتل کیس کی جوڈیشل انکوائری رپورٹ منظر عام پر ۔۔ لرزہ خیز انکشافات سامنے آگئے۔۔رپورٹ میں ملوث ملزمان کی مجرمانہ غفلت ثابت کرتے ہوئے انھیں انسانیت سے بھی عاری قرار دیا گیا ہے۔

رپورٹ کے مطابق اسامہ کو گولیاں ایک اہلکار نے نہیں بلکہ 4 سے زائد اطراف سے ماری گئیں۔گاڑی روکنے کے باوجود اہلکاروں نے اسے 22 گولیاں مار کر قتل کر دیا۔

رپورٹ میں بتایا گیا ہے کہ اسامہ ستی پر گولیاں جان بوجھ کر قتل کرنے کی نیت سے برسائی گئیں گئیں اور بعدازاں ڈکیٹی کا رنگ دیا گیا۔۔ اسامہ کے قتل کو 4 گھنٹے فیملی سے چھپایا گیا۔پولیس اہلکاروں نے ملی بھگت سے سینئر افسران کو بھی اندھیرے میں رکھا ۔

رپورٹ میں بتایا گیا کہ موقع پر افسران نے وقوعہ کو چھپانے اور اسے ڈکیتی کی واردات بنانے کی کوشش کی۔اسامہ ستّی کا کسی ڈکیتی یا جرم سے کوئی تعلق ثابت نہیں ہوا۔

پولیس نے ریسیکیو 1122 کو غلط ایڈریس بتایا، مقتول کو ریسکیو کرنے والی گاڑی کو غلط لوکیشن بتائی جاتی رہی، موقع پر موجود افسر نے جائے وقوعہ کی کوئی تصویر نہ لی،۔

رپورٹ میں انکشاف ہوا ہے کہ ڈیوٹی افسر غیر ذمہ داری کا مظاہرہ کرتے ہوئے معاملے کا حصہ بن گیا، گولیوں کے 18 خولوں کو 72 گھنٹے بعد فارنزک کے لیے بھیجا گیا۔

رپورٹ میں یہ بھی انکشاف کیا گیا ہے کہ گولیوں کے خول 72 گھنٹے بعد فرانزک کے لیے بھیجے گئے۔ اسامہ کی گاڑی پر بائیس گولیاں فائر کی گئیں۔ اسامہ ستّی کی لاش کو پولیس نے روڈ پر رکھا ۔موقع پر پہنچنے والے پولیس افسران کی جانب سے ثبوت مٹانے کی کوشش کی گئی۔

The post اسامہ ستّی قتل کیس کی جوڈیشل انکوائری رپورٹ منظر عام پر ،لرزہ خیز انکشافات appeared first on Siasat.pk Urdu News – Latest Pakistani News around the clock.

%d bloggers like this: