اسلام آباد میں جاری بلوچ مسنگ پرسن دھرنے کے 5 منتظمین گرفتار، 4 لاپتہ

اسلام آباد میں گزشتہ کئی دنوں سے بلوچ گمشدہ افراد کی بازیابی کے لئے ان کے لواحقین کے جاری دھرنے کے 5 منتظمین لاپتہ ہوگئے۔

بلوچ مسنگ پرسن کیمپ میں موجود سمی دین بلوچ نے ٹوئٹر سے جاری ایک بیان میں کہا ہے کہ ’لاپتہ افراد کے دھرنے میں موجودہمارے پانچ ساتھیوں کو گرفتار کرکے لے گئے ہیں ان سے ہمارا رابطہ بھی نہیں ہو پا رہا ہے اورہمارے کچھ اور ساتھی بھی ہمیں نہیں مل رہے ہیں جن کیلئےہم نے اسلام آباد کے تین پولیس تھانوں میں پوچھنے گئے ہیں لیکن ابھی تک ساتھیوں کے ساتھ رابطہ ممکن نہیں ہورہاہے۔‘

اطلاعات کے مطابق گرفتار و لاپتہ افراد میں سرور بلوچ، طلال بلوچ، ابو بکر بلوچ، سلمان بلوچ، اکرام بلوچ، باول بلوچ، مقصود بلوچ، حمید بلوچ اور یاسر بلوچ شامل ہیں۔

اطلاوات کے مطابق 5  بلوچ افراد کو پولیس کی جانب سے گرفتار کرتے عینی شاہدین نے دیکھا ہے جبکہ ابھی تک کی طلاعات کے مطابق لاپتہ افراد کی تعداد 4 ہے۔

منتظمین کے مطابق انہوں نے تمام پولیس سٹیشنز میں پتہ کیا مگر ان کے کسی ساتھی کا تاحال معلوم نہیں ہو سکا۔

%d bloggers like this: