اشتہارات کے غیر قانونی ٹھیکوں کا ریفرنس یوسف رضا گیلانی و دیگر پر فرد جرم کیلئے تاریخ مقرر

اسلام آباد (این این آئی)احتساب عدالت میں سابق وزیر اعظم سید یوسف رضا گیلانی و دیگر کیخلاف اشتہارات کے غیر قانونی ٹھیکوں کے ریفرنس میں فرد جرم عائد نہ ہوسکی ۔ کیس کی سماعت احتساب عدالت کے جج اعظم خان نے کی۔ملزمان کی حاضری مکمل نہ ہونے کے باعث فرد جرم کی کارروائی موخر  کر دی گئی ۔ عدالت نے کہاکہ فرد جرم کی کارروائی کیلئے فروری کی کوئی تاریخ رکھتے ہیں۔فروری میں جو بھی تاریخ رکھیں ،بس 14 فروری نہ رکھیں، ملزمان کے وکیل کی استدعا پر عدالت میں قہقہے ،عدالت نے یوسف رضا گیلانی و دیگر پر فرد

جرم کیلئے 3 فروری کی تاریخ مقرر کر دی ،نیب نے عدالت سے مسلسل غیر حاضر ملزم فاروق اعوان کے وارنٹ جاری کرنے کی استدعا کر دی۔ نیب پراسیکیوٹر نے کہاکہ سابق سیکرٹری آئی ٹی فاروق اعوان عرصہ دراز سے بیرون ملک ہیں، عدالت میں حقائق چھپاتے ہوئے بیماری کی بنیاد پر استثنیٰ کی درخواست دائر کر دیتے ہیںعدالت نے کیس کے تفتیشی افسر کو آج ہی پیش ہونے کا حکم  دیا اور کہ  تفتیشی سے رپورٹ لیکر وارنٹس کا فیصلہ کریں گے۔

Leave a Reply

%d bloggers like this: