امریکہ کیلئے پاکستانی برآمدات میں سال 2020 کے آخری ماہ ریکارڈ اضافہ

امریکہ کے لیے پاکستانی برآمدات میں سال 2020 کے آخری مہینے میں 27 فیصد کا ریکارڈ اضافہ

پاکستان کیلئے معاشی میدان میں ایک کے بعد ایک خوشخبری آرہی ہے۔ جہاں پاکستان کا ٹیکسٹائل سیکٹر ایک بار پھر ریکارڈ پیداوار کررہا ہے اور ٹیکسٹائل مصنوعات میں ریکارڈ اضافہ ہورہا ہے وہیں پاکستان سٹاک ایکسچینج بھی 3 سال کی بلند ترین سطح پر ہے۔ اسکے علاوہ ترسیلات زر میں بھی ریکارڈ اضافہ ہوتا جارہا ہے جبکہ روپے کے مقابلے میں ڈالر کی قیمت بھی کنٹرول میں ہے۔

ان حالات میں وزیراعظم کے مشیر برائے تجارت عبدالرزاق داؤد نے ایک اور خوشخبری سنادی۔۔

سماجی رابطہ کی ویب سائٹ ٹوئٹر پر ٹویٹ کرتے ہوئے انہوں نے بتایا کہ تاریخ میں پہلی بار امریکا کو پاکستان کی ماہانہ برآمدات 400 ملین ڈالرز سے تجاوز کر گئی ہیں اور 2020 کے آخری مہینے میں پاکستان کی امریکہ کیلئے برآمدات میں 27 فیصد کا اضافہ ریکارڈ کیا گیا ہے۔

مشیر تجارت کا ٹویٹ کرتے ہوئے بتانا تھا کہ امریکہ کےلیےدسمبر2020 میں 42 کروڑ 50 لاکھ ڈالرزکی اشیاء برآمد کی گئیں جبکہ دسمبر 2019 ميں امریکا کیلئے برآمدات کا حجم 33 کروڑ 40 لاکھ ڈالرز تھا۔ پہلی بارامریکا کو ماہانہ برآمدات 400 ملین ڈالرز سے تجاوز کر گئی ہیں۔

عبدالرزاق داود کے مطابق امریکہ کو پاکستان سے جولائی تا دسمبر چھ ماہ کے دوران کو 2 ارب 41 کروڑ 20 لاکھ ڈالرز کا سامان برآمد ہوا اور اسی چھ ماہ کے عرصے کے دوران پاکستانی برآمدات میں 18 اعشاریہ 4 فیصد اضافہ ہوا ہے۔

The post امریکہ کیلئے پاکستانی برآمدات میں سال 2020 کے آخری ماہ ریکارڈ اضافہ appeared first on Siasat.pk Urdu News – Latest Pakistani News around the clock.

%d bloggers like this: