براڈ شیٹ معاملہ امیر حکمرانوں کی حقیقت پھر سامنے لے آیا، وزیراعظم عمران خان

وزیراعظم عمران خان کا کہنا ہے کہ کرپٹ حکمرانوں کا بار بار بے نقاب ہونا میری کرپشن کے خلاف 24 سالہ جدوجہد ہے،پانامہ پیپرز نے پاکستان کے امیرحکمرانوں کو بے نقاب کیا، براڈ شیٹ کی وجہ سے امیر حکمرانوں کی منی لانڈرنگ سامنے آئی ، کرپشن کے یہ تمام انکشافات ابھی تو صرف آغاز ہیں،یہ اشرفیہ انتقامی کارروائی کے کارڈ کے پیچھے نہیں چھپ سکتی۔

ٹوئٹ پر وزیراعظم نے کہا کہ بار بار یہی چیز بے نقاب ہونا کرپشن کے خلاف میری 24 سال کی جدوجہد کوبیان کر رہی ہے،اشرافیہ نے بیرون ملک میں غیر قانونی اثاثے بنانے کیلئے منی لانڈرنگ کی اور بعد میں این آر او کا سہارا لیا،

این آر او سے اشرافیہ نے لوٹی دولت کو تحفظ فراہم کیا گیا، اس صورتحال سے سب سے زیادہ پاکستانی عوام کو نقصان ہوا۔

عمران خان کا کہنا تھا کہ کرپٹ اشرافیہ نے نہ صرف قوم کی دولت کو لوٹا بلکہ انکے ٹیکس کی رقم بھی چوری کی، این آر او کی وجہ سے یہ لوٹی رقم ضائع ہوگئی،کرپشن کے یہ تمام انکشافات آغاز ہیں، جاننا چاہتے ہیں براڈ شیٹ کو مزید تحقیقات سے کس نے روکا، براڈ شیٹ سے مکمل شفافیت چاہتے ہیں۔

دوسری جانب وفاقی وزیر اطلاعات سینیٹر شبلی فراز کا کہنا ہے کہ براڈ شیٹ معاملے پر قوم کوحقائق سے آگاہ کرینگے، براڈ شیٹ کا معاملہ سال دو ہزار میں شروع ہوا تھا، این آراو ملنے کے بعد براڈشیٹ کا معاملہ سردخانے میں چلا گیا،وزیراعظم عمران خان نے ہدایت کی کہ براڈشیٹ کے معاملے پرحقائق سے قوم کو آگاہ کریں اور قوم کو بتائیں کہ براڈ شیٹ کو کیسے خریدنے کی کوشش کی گئی۔

The post براڈ شیٹ معاملہ امیر حکمرانوں کی حقیقت پھر سامنے لے آیا، وزیراعظم عمران خان appeared first on Siasat.pk Urdu News – Latest Pakistani News around the clock.

%d bloggers like this: