جہانگیر ترین میرے عزیز ہیں، سینیٹ الیکشن میں اسٹیبلشمنٹ اب تک نیوٹرل ہے: یوسف رضا گیلانی

اسلام آباد میں پی ڈی ایم کے سربراہ مولانا فضل الرحمان کے ہمراہ پریس کانفرنس کرتے ہوئے یوسف رضا گیلانی کا کہنا تھا مجھ پر اعتماد کرنے پر پی ڈی ایم کا بے حد مشکور ہوں، پی ڈی ایم نے مجھے ٹکٹ دیا ہے، میں پی ڈی ایم کی ترجمانی کروں گا۔

ان کا کہنا  تھا کہ بظاہر نظر آ رہا ہے کہ اسٹیبلشمنٹ مکمل طور پر نیوٹرل ہے۔

ان کا کہنا تھا مجھے پہلے بھی متفقہ وزیراعظم منتخب کیا گیا تھا، میں وزیراعظم بنا تو مجھے 264 ووٹ ملے تھے، مجھے تعلقات کی بنیاد پر ووٹ ملے تھے.

انہوں نے کہا کہ پی ڈی ایم کے تمام اکابرین کے پاس فرداً فرداً جاؤں گا، سینیٹ انتخابات میں میری فتح جمہوری قوتوں کی فتح ہو گی۔

سابق وزیراعظم کا کہنا تھا کہ ضمنی انتخاب میں پی ڈی ایم کی پرفارمنس پر مبارک باد دیتا ہوں۔

پی ٹی آئی رہنما جہانگیر ترین کے ساتھ ملاقات کے حوالے سے یوسف رضا گیلانی کا کہنا تھا میری جہانگیر ترین سے ملاقات نہیں ہوئی اور نہ ہی ان سے کوئی رابطہ ہوا ہے، جہانگیر ترین میرے عزیز ہیں ان کو کہنے کی ضرورت نہیں ہے۔

%d bloggers like this: