دونوں ہاتھ اور ٹانگیں کاٹنے کے بعد بے دردی سے قتل، لاش کو گاڑی سمیت جلایا گیا، منظور وسان کے بھتیجے بلاول وسان کی پوسٹ مارٹم رپورٹ میں دل دہلا دینے والے انکشاف

خیرپور (این این آئی)سندھ کے شہر خیرپور میں وزیرِاعلی سندھ مراد علی شاہ کے معاونِ خصوصی نواب خان وسان کے بھانجے اے ایس آئی بلاول وسان کو بے دردی سے قتل کرنے کے بعد لاش کو گاڑی سمیت جلائے جانے کے معاملے میں پولیس نے مقتول کے 2 دوستوں کوگرفتار کر لیا۔ملزمان نے لاش کو گاڑی سمیت جلا کر قتل کو حادثے کا رنگ دینے کی کوشش کی تھی، تاہم پوسٹ مارٹم رپورٹ نے معمہ حل کر دیا۔18 نومبر کی رات کو بھرگڑی کے علاقے کے قریب سے جلی ہوئی ڈبل کیبن گاڑی سے اے ایس آئی بلاول وسان کی

مکمل جھلسی ہوئی ناقابلِ شناخت لاش ملی تھی۔پوسٹ مارٹم رپورٹ میں انکشاف ہوا کہ اے ایس آئی بلاول وسان کو بے دردی سے قتل کرنے کے بعد اس کی لاش کو جلایا گیا۔پوسٹ مارٹم رپورٹ کے مطابق بلاول وسان کے دونوں ہاتھ اور ٹانگیں کاٹی گئی تھیں، جب کہ اس کی کھوپڑی اور پسلیوں میں بھی فریکچر پایا گیا ہے۔ملزمان نے لاش کو گاڑی سمیت جلا کر قتل کو حادثے کا رنگ دینے کی کوشش کی۔پولیس کے مطابق قتل کے شبے میں بلاول وسان کے 2 دوستوں کو حراست میں لے کر تفتیش شروع کر دی گئی ہے، حقائق جلد سامنے آ جائیں گے۔مقتول کے گرفتار دوست فراز راجپوت کو گزشتہ روز کراچی سے حراست میں لیا گیا تھا جو گاڑی میں آگ لگنے کے وقت فرار ہوا تھا اور اسے عینی شاہدین نے بھی شناخت کیا تھا۔فراز راجپوت نے گرفتاری کے بعد تصدیق کی تھی کہ گاڑی سے ملنے والی لاش بلاول وسان کی ہے۔

Leave a Reply

%d bloggers like this: