سرعام پروپوزل پر یونیورسٹی سے نکالے جانے والے جوڑے نے شادی کرلی ہے؟

پروپوزل پر یونیورسٹی سے نکالے جانے والے جوڑے نے شادی کرلی ہے؟

نجی یونیورسٹی میں لڑکی کی جانب سے لڑکے کو سب کےسامنے محبت کے اظہار پر یونیورسٹی سے نکالا گیا جوڑا رشتہ ازدواج میں منسلک ہوگیا ہے۔

خبررساں ادارے روزنامہ جنگ میں شائع ہونےو الی خبر کے مطابق  نجی یونیورسٹی  میں ایک دوسرے سے محبت کے اظہار پر فارغ ہونے والے طلباء نے شادی کرلی ہے۔

اخباری رپورٹ کے مطابق  دونوں کی ایک اور ویڈیو بھی منظر عام پر آئی ہے ،ان دونوں سے رابطے کی کوشش کی گئی تاہم انہوں نے بات کرنےسے انکار کردیا ہے۔

میڈیا رپورٹس کے مطابق  پروپوز کرنے والی لڑکی کا نام حدیقہ جاوید جب کہ لڑکے کا نام شہریار بتایا جاتا ہے،د ونوں کی شادی کی خبریں ابھی تک میڈیا میں گردش تو کررہی ہیں تاہم کسی قسم کی تصدیق سامنے نہیں آئی ہے۔

ٹویٹر پر اس خبر پر حدیقہ جاوید نامی ایک صارف نے الحمداللہ کہتے ہوئے خوشی کا اظہار کیا اور دعاؤں کی درخواست بھی کی ہے۔

واضح رہے کہ چند روز قبل یونیورسٹی آف لاہور میں سرعام لڑکی کی جانب سے لڑکے کو شادی کی پیشکش کرنے پر سوشل میڈیا پر ایک طوفان آ گیا جس میں صارفین نے دونوں طلبا کو شدید تنقید کا نشانہ بنایا اور انہیں بےحیائی کا مرتکب قرار دیا گیا تھا، شدید عوامی و سوشل میڈیا دباؤ پر یونیورسٹی انتظامیہ نے دونوں کو فارغ کردیا تھا۔

The post سرعام پروپوزل پر یونیورسٹی سے نکالے جانے والے جوڑے نے شادی کرلی ہے؟ appeared first on Siasat.pk Urdu News – Latest Pakistani News around the clock.