سی سی پی او لاہور غلام محمود ڈوگر کو تعیناتی کے دو دن بعد اعلیٰ رینک پر ترقی دیدی گئی

لاہور (مانیٹرنگ +آن لائن) دو دن قبل سی سی پی او لاہور تعینات ہونے والے غلام محمودڈوگر کو ڈی آئی جی کے رینک سے ایڈیشنل آئی جی کے رینک پر ترقی دے دی گئی، پنجاب پولیس میں گزشتہ ہفتے تقرر و تبادلوں کے بعد نئے سی سی پی او لاہور کوبھی ترقی مل گئی ہے،دوسری جانب سربراہ لاہور پولیس غلام محمود ڈوگر کی زیر صدارت لاہور پولیس کے افسران کا اجلاس ہوا جس میں ڈی آئی جی انوسٹی گیشن شارق جمال، ڈی آئی جی آپریشنز لاہور اشفاق احمد خان، ایس ایس پی ڈسپلن سید امین بخاری، ایس ایس پی انوسٹی

گیشن عبدالغفار قیصرانی، سی ٹی او لاہور کیپٹن (ر) سید حماد عابد، ایس ایس پی سی اے آئی سمیت تمام انوسٹی گیشن و آپریشنز ڈویڑنل افسران اور ایس ڈی پی اوز نے بھی شرکت کی۔ اجلاس میں شہر کی امن و مان کی مجموعی صورتحال کا جائزہ لیا گیا۔ غلام محمود ڈوگر کا کہنا تھا کہ لاہور میں کوئی بدمعاش، غنڈا عناصر سر اٹھانے نہ پائے اور قبضہ مافیا کسی رعائت کے مستحق نہیں ہوگا۔ شہریوں کو جان و مال کا تحفظ دینا ہمارا فرض ہے۔ اوورسیز پاکستانیوں کے مسائل ترجیحی بنیادوں پر حل کروائے جائیں۔ انہوں نے ہدایت کی کہ افسران شاہراہوں پر پولیس فزیبلٹی کو سختی سے یقینی بنائیں اور ہاٹ اسپاٹ ایریاز میں ڈولفن ٹیمیں بڑھائیں جائیں۔ سی سی پی او کہنا تھا کہ رات کے وقت فلیشر لائٹس اور ریفلیکٹنگ جیکٹس کے استعمال کیا جائے ہاٹ اسپاٹ ایریاز میں فوری سنیپ چیکنگ بڑائی جائے اور ان ایریاز میں موثر پٹرولنگ کا نظام واضح کیا جائے۔ دھند میں احساس تحفظ کیلئے موثر پٹرولنگ یقینی بنائی جائے۔ ان کا مزید کہنا تھا کہ انوسٹی گیشن افسران بروقت چالان جمع کروائیں۔کرایہ داروں اور انڈسٹریل ورکز کے تھانوں میں اندراج ریکارڈ کو یقینی بنایا جائے۔

Leave a Reply

%d bloggers like this: