شہبازشریف کے سانحہ موٹروے سے متعلق بیان پر سوشل میڈیا پر ہنگامہ

شہباز شریف کے بیان "جس موٹروے پر خاتون کا ریپ ہوا تھا، وہ موٹروے الحمداللہ نوازشریف نے بنائی تھی” پر سوشل میڈیا صارفین کے تبصرے

گزشتہ روز شہباز شریف نے قومی اسمبلی میں خطاب کرتے ہوئے بیان دیا کہ جس موٹروے پر ریپ کا واقعہ پیش آیا وہ موٹروے الحمداللہ میاں نواز شریف کی سربراہی میں مسلم لیگ ن نے بنائی ہے۔

شہبازشریف کے اس بیان پر ن لیگی ارکان اسمبلی ڈیسک بجاتے رہے

شہباز شریف کے دئیے گئے اس بیان پر سوشل میڈیا صارفین نے شہباز شریف کو کڑی تنقید کا نشانہ بنایا، کچھ سوشل میڈیا صارفین نے یہ سوال بھی اٹھایا کہ کیا میڈیا کا معیار ن لیگ اور تحریک انصاف کیلئے مختلف ہے؟ اگر ایسا ہی بیان عمران خان نے دیا ہوتا تو اس پر میڈیا کا کیا ردعمل ہوتا؟ سوشل میڈیا صارفین کے مطابق اگر یہی بیان عمران خان دیدیتا تو اسکے خلاف استعفوں کے مطالبے کے ٹرینڈ ز چل چکے ہوتے ، میڈیا گلا پھاڑ پھاڑ کر عمران خان پر تنقید کررہا ہوتا اور استعفے کا مطالبہ کررہا ہوتا۔

سوشل میڈیا صارفین کا یہ بھی کہنا ہے کہ حیرت ہے کہ یہ شخص پنجاب پر 12 سال حکمرانی کرگیا۔

میر محمد علی خان نے شہباز شریف کے اس بیان پر تبصرہ کرتے ہوئے لکھا کہ کیا یہ شخص سٹھیا گیا ہے یا یہ کسی کے جنازہ پر بھی رقص کرنے کا خواہاں ہے ؟ یہ کیسے لوگ ہیں۔

تحریک انصاف کے رکن قومی اسمبلی فرخ حبیب نے تبصرہ کیا کہ اپوزیشن لیڈر شہباز شریف موٹروے سانحہ جیسا واقعات کی آئندہ روک تھام کے لیے تجاویز دینے کی بجائے اپنی سیاست چمکاتے رہے۔ انکی سوچ موٹروے سے شروع ہوتی ہے اور موٹروے پر ہی ختم ہوتی ہے۔

اے آروائی کے پروڈیوسر عدیل راجہ نے سوال اٹھایا کہ ریپ والی موٹروے نون لیگ نے بنائی تھی۔ شہباز شریف۔۔ اب کوئی ان صاحب سے استعفی کیوں نہیں مانگ رہا؟ ایسے بےحسی کم ہی دیکھی ہو گی عوام نے!

سعادت یونس نے سوال کیا کہ انداذہ لگائیں شہباز شریف جیسا موٹروے والا بیان اگر عمران خان دیا ہوتا تو میڈیا کیا حال کرتا۔ اتنے بدیانت لوگ ہیں یہ لفافے۔

ناصر خان نے تبصرہ کرتے ہوئے لکھا کہ نون لیگ والے کل اسمبلی میں ریپ کے افسوسناک واقعہ پر بحث کے دوران ہنس رہے تھے قہقے لگا رہے تھے شہباز شریف نے کہا کہ جس موٹروے پر ریپ ہوا وہ بھی نواز شریف نے بنایا انکو اس عورت سے کوئی ہمدردی نہیں بس سیاست کر رہے تھے

ایک اور سوشل میڈیا صارف نے سوال اٹھایا کہ اگر یہی بات عمران خان نے کی ہوتی تو بکاؤ میڈیا کا کیا ردعمل ہونا تھا ؟؟؟

The post شہبازشریف کے سانحہ موٹروے سے متعلق بیان پر سوشل میڈیا پر ہنگامہ appeared first on Siasat.pk Urdu News – Latest Pakistani News around the clock.

مزید پڑھیں

تیمورجھگڑا کا بلاول کو جواب، سندھ کی فاٹا سے وعدہ خلافی سے پردہ اٹھادیا
گلگت بلتستان،کشمیر کو بھارت کا حصہ دکھانے پر منصور علی خان تنقیدکی زد میں
بابر اعظم سے متعلق منسوب بیان پر اداکارہ میشا شفیع پھٹ پڑیں
کورونا کے پیش نظر تعلیمی ادارے ایک بار پھر بند، طلبہ کے پر مسرت…
”شیم آن بی بی سی“ ٹوئٹر پر ٹاپ ٹرینڈ کیوں ہے؟
مجھے امید ہے کہ ہم بھی آپ کی ترجیحات میں شامل ہوں گے، اداکار…
Load/Hide Comments
%d bloggers like this: