نوازشریف غدار نہیں ہے ۔۔۔!!!تحریک انصاف کے رہنما اور وفاقی وزیر کا ناقابل یقین بیان ، پوری پی ٹی آئی دنگ رہ گئی

اسلام آباد(ویب ڈیسک)تحریک انصاف کے رہنما علی محمد خان نے کہا ہے کہ نوازشریف کو غدار نہیں سمجھتا،ایک دوسرے پر غداری کے الزامات بند ہونے چاہئیں۔ ؎سماءنیوز کے پروگرام میں بات چیت کرتے ہوئے علی محمد خان نے کہا کہ وہ ذاتی طور پر نوازشریف کو غدار نہیں سمجھتے، کیونکہ نوازشریف اس ملک کے تین بار


وزیراعظم رہ چکے ہیںاور کوئی بھی غدار ملک کا وزیراعظم نہیں بن سکتا، اب ایک دوسرے پر غداری کے الزامات بندہونے چاہئیں۔ ان کا کہنا تھا کہ عمران خان نے غداری کے مقدے پر اظہار لاتعلقی اور ناپسندیدگی کا اظہارکیا۔انہوںنے کہا نوازشریف پر تنقید کرتے ہوئے کہا کہ ایک مجرم کو سیاسی تقریر کرنے کی اجازت نہیں ، اگر نوازشریف اتنے ہی سیریس ہیں تو اپنی رپورٹس عدالت میں جمع کروائیں۔جبکہ دوسری جناب ایک خبر کے مطابق صدر مسلم لیگ ن رانا ثناء اللہ کا کہنا ہے کہ 10 لاکھ لوگوں کیساتھ اسلام آباد کی جانب پیش قدمی کرنے کا اعلان، اس تحریک کی قیادت عوام کے ہاتھوں میں ہوگی کوئی اس سے پیچھے نہیں ہٹ سکے گا، استعفے بھی دیں گے دھرنا بھی دیں گے۔ تفصیلات کے مطابق مسلم لیگ ن پنجاب کے صدر رانا ثناء اللہ نے کہا ہے کہ لاکھوں لوگوں کیساتھ اسلام آباد کا رخ کیا جائے گا۔ہم دس لاکھ لوگ لے کر اسلام آباد جائیں گے۔ ن لیگ کے سینئر رہنما کا کہنا ہے کہ 16اکتوبر کو پی ڈی ایم کا پہلا جلسہ بہت کامیاب ہوگا، گوجرانوالہ جلسہ حکومت کے خلاف ریفرنڈم ہوگا، یہ ریفرنڈم ملک دشمن اور اپوزیشن دشمن کے خلاف ہے جو تاریخی ہوگا۔ رانا ثناء اللہ کا کہنا ہے کہ گوجرانوالہ کیلئے تیاریاں مکمل کی جارہی ہیں پی ڈی ایم اپنا موقف عوام کے سامنے رکھے گی۔اس تحریک میں سب سے بڑے سٹیک ہولڈر عوام ہیں۔16اکتوبر کو اس تحریک کی قیادت عوام کے ہاتھوں میں ہوگی کوئی اس سے پیچھے نہیں ہٹ سکے گا ۔استعفے بھی دیں گے دھرنا بھی دیں گے۔انہوں نے کہاکہ شاہدرہ میں ہونے والی ایف آئی آر میں ابھی تو تین جرنیلوں نے بھی تھانے جانا ہے،ابھی تو وزیر اعظم آزاد کشمیر بھی آ رہے ہم سب تھانہ شاہدرہ گرفتاری کیلئے جائیں گے۔لگتا یہ ہے پولیس مستقل تھانہ شاہدرہ کو بند کرکے دوڑ جائیگی۔انہوں نے کہاکہ کیسے ممکن ہو سکتا ہے کہ حکومت کی مرضی کے بغیر پوری اپوزیشن پارٹی پر مقدمہ درج کر دیاجائے۔ (ن) لیگ کی قیادت اور رہنمائوں پر غداری کا مقدمہ حکومت نے جان بوجھ کر بنایا۔







%d bloggers like this: