پاکستانی بلے بازوں کی زبردست فائٹ نیوز ی لینڈ کیخلاف پہلے ٹیسٹ میچ کے آخری روز کے آخری سیشن میں سنسنی خیز مقابلہ،حیران کن نتیجہ آگیا

اسلام آباد(مانیٹرنگ ڈیسک)نیوزی لینڈ نے پاکستان کو پہلے ٹیسٹ میچ میں سنسنی خیز مرحلے کے بعد101رنز سے شکست دیدی ۔ نسیم شاہ اور شاہین شاہ آفریدی نے قومی ٹیم کو شکست سے بچانے کیلئے میچ کو ڈرا کی طرف لے جانے کی کوشش کی لیکن کامیاب نہیں ہو پائے ۔
پاکستان کی پوری ٹیم نیوزی لینڈ کی جانب سے دیئے گئے 373 رنز کے ہدف کے تعاقب میں 271رنز بنا کر آوٹ ہو گئی ۔پاکستان نے تین وکٹوں کے نقصان پر 71 رنز سے پانچویں روز کے کھیل کا آغاز کیا جس دوران اظہر علی اور فواد عالم میدان میں اترے

۔ اظہر زیادہ کچھ نہ کر پائے اور 38 رنز پر ہی پولین لوٹ گئے تاہم فوادعالم نے شاندار بیٹنگ کا مظاہرہ کرتے ہوئے 102 رنز کی اننگ کھیلی اور میچ کو پاکستان کے حق میں کرنے میں کامیاب ہوئے لیکن ان کی ماہرانہ بیٹنگ بھی پاکستانی ٹیم کی قسمت نہ بدل پائی اور جیت نہ دلوا سکی ۔ان کے علاوہ محمد رضوان نے بھی وکٹ سنبھالی توٹیم کو جیت کی ایک امید بندھی لیکن وہ بھی 60رنز ہی بنا سکے ۔فہیم اشرف 19 رنز بناکر آئوٹ ہو گئے ۔پاکستان کے اوپننگ بیٹسمین کھیل کے چوتھے روز ہی بغیر کچھ کیے پولین لوٹ گئے ، عابد علی اور شان مسعود کوئی سکور بنانے میں کامیاب نہیں ہو پائے تھے ۔اگر یہ دونوں اوپننگ بلے باز کچھ ذمہ داری دکھاتے تو میچ کا نتیجہ مختلف ہو سکتا تھا۔

Leave a Reply

%d bloggers like this: