کراچی: 16 سالہ کالج کی طالبہ زیادتی کا شکار، ملزمان گرفتار

کراچی: 16 سالہ کالج کی طالبہ زیادتی کا شکار، ملزمان گرفتار۔۔۔#JusticeForBushraRajpar سوشل میڈیا پر ٹاپ ٹرینڈ

کراچی کے علاقے اسٹیل ٹاؤن کی رہائشی لڑکی کو ڈیفنس کے علاقے میں زیادتی کا نشانہ بنایا گیا جس کا مقدمہ لڑکی کے والد کی مدعیت میں درج کر لیا گیا ہے۔

ایف آئی آر کے مطابق 9 فروری کو 16 سالہ متاثرہ لڑکی کو اس کے کالج سے 2 ملزمان فواد اور سمیع ورغلا کر اپنے ساتھ گاڑی میں لے گئے اور لڑکی کو بے ہوش کر کے اس سے زیادتی کی۔ مگر اس تمام واقعے کا لڑکی کے والد کو بھی پولیس سے علم ہوا۔

مقدمے کے اندراج کے بعد پولیس نے دونوں ملزمان کو گرفتار کر لیا ہے تاہم لڑکی کا کہنا ہے کہ فواد اور سمیع کے علاوہ اور لوگ بھی موقع پر موجود تھے جن کے وہ ناموں سے واقف نہیں مگر سب کو شناخت کر سکتی ہے۔

ایس ایس پی ملیر عرفان بہادر کے مطابق واقعے کی تفتیش کے لیے سینئر پولیس افسران پر مبنی خصوصی ٹیم تشکیل دے دی گئی جو روزانہ کی بنیاد پر رپورٹ پیش کرے گی، نامزد مرکزی ملزم سمیت تین ملزمان کو گرفتار کرلیا ہے، گرفتار ملزمان میں عادل، فواد اور سمیع شامل ہیں۔

ایس ایس پی ملیر نے یہ بھی کہا کہ لڑکی کا اور ملزمان کا میڈیکل کرایا گیا ہے جس کی رپورٹ آنے پر ملزمان کے خلاف مزید کارروائی عمل میں لائی جائے گی۔

سولہ سالہ طالبہ سے زیادتی کی خبر سامنے آنے کے بعد #JusticeForBushraRajpar سوشل میڈیا پر ٹاپ ٹرینڈ بن گیا۔۔ سوشل میڈیا صارفین نے طالبہ کے حق میں آوازیں اٹھاتے ہوئے سندھ حکومت سے انصاف کا مطالبہ کیا۔

سوشل میڈیا صارفین نے ایک غمگین کردینے والی ویڈیو شئیر کی جس میں متاثرہ لڑکی کا باپ بے اختیار رورہا ہے۔

یاد رہے کہ اسی روز پولیس کو ڈیفنس کے علاقے سے یہ لڑکی بےہوشی کی حالت میں ملی تھی جس نے پولیس کو بھی بتایا تھا کہ 2 ملزمان اسے اپنے ساتھ لے کر گئے تھے اور بےہوش کرنے کے بعد اس کے ساتھ زیادتی کرتے رہے۔

The post کراچی: 16 سالہ کالج کی طالبہ زیادتی کا شکار، ملزمان گرفتار appeared first on Siasat.pk Urdu News – Latest Pakistani News around the clock.

%d bloggers like this: