اسرائیل، لبنان کشیدگی کا دائرہ پھیل گیا، عراقی گروہ بھی شامل، اسرائیل پر ڈرون اور میزائل داغ دیے

بیروت )اسرائیل اور لبنانی مزاحمتی تحریک حزب اللہ کے درمیان لڑائی کا دائرہ مزید پھیل گیا۔

اسرائیل اور لبنان کے درمیان کشیدگی میں عراقی گروہ بھی شامل ہے، عراقی گروپ آئی آر آئی نے اسرائیل پر ڈرون اور میزائل داغ دیے جبکہ اسرائیلی فوج نے حملے کی تصدیق کردی۔

اسرائیلی جارحیت کے جواب میں حزب اللہ نے نئے اور دور تک مار کرنے والے میزائلوں کا پہلی بار استعمال کیا ہے، حزب اللہ کے مطابق وقفے وقفے سے 100 سے زائد راکٹ ساحلی شہر حیفا کی طرف داغے گئے ہیں۔

اس کے علاوہ یمن کے حوثی گروپ نے بھی اسرائیل پر میزائلوں سے حملوں کا اعلان کیا ہے، حزب اللہ نے اسرائیلی شہر حیفہ پر 85 راکٹ حملے کئے گئے، راکٹ حملوں سے کئی مقامات پر آگ لگ گئی۔

حزب اللہ نے دعویٰ کیا کہ لبنان پر حملوں میں استعمال ہونے والے رمات ڈیوڈ ایئر بیس اور اسرائیلی ٹیک کمپنی رفائیل کو نشانہ بنایا گیا۔اس کے علاوہ حیفہ شہر میں کئی گھر اور گاڑیاں بھی ان راکٹوں کا نشانہ بنی ہیں، 24 گھنٹوں میں لبنان پر اسرائیل نے 400 حملے کرنے کا دعویٰ کیا ہے۔

دوسری جانب پیجر دھماکوں کی تحقیقات جاری ہیں، بھارتی نڑاد نارویجیئن شہری کے کیرالا میں گھر کی نگرانی سخت کردی گئی ہے۔رپورٹس کے مطابق رنسن اس کمپنی کے بانی ہیں جس نے حزب اللہ کو پیجرز کی فروخت میں سہولت دی تھی۔