اسلام آباد)وزیراعظم شہباز شریف کی دعوت پر ملائیشیا کے وزیراعظم داتو سری انور ابراہیم آج تین روزہ دورے پر پاکستان پہنچیں گے۔
نجی ٹی وی چینل ایکسپریس نیوز کے مطابق ترجمان دفتر خارجہ کے مطابق وزراء، نائب وزراء اور سینیئر حکام پر مشتمل ایک اعلیٰ سطحی وفد بھی ملائیشیا کے وزیراعظم کے ہمراہ ہوگا۔
اس دورے کے دوران وزیراعظم داتو سری انور ابراہیم اور وزیراعظم محمد شہباز شریف کے درمیان دوطرفہ تعلقات کو مزید مضبوط بنانے کے علاوہ تجارت، توانائی، زراعت، صنعت، سیاحت، ثقافتی تبادلوں اور عوامی سطح پر رابطوں میں اضافے سمیت مختلف شعبوں میں تعاون، علاقائی اور عالمی امور پر تبادلہ خیال کیا جائے گا۔