تہران )ایران کے شورش زدہ جنوبی صوبے سیستان و بلوچستان میں ہفتے کو پولیس کے قافلے پر حملہ ہوا ہے، جس کے نتیجے میں کم از کم 10 اہلکار مارے گئے ہیں۔
ایرانی دارالحکومت تہران سے تقریباً 1200 کلومیٹر (745 میل) جنوب مشرق میں واقع گوہر کوہ میں ہونے والے حملے کے بارے میں تفصیلات فی الحال محدود ہیں۔
ابتدائی طور پر جاری میڈیا رپورٹس صرف ”شرپسندوں“ کا حملہ بیان کیا گیا لیکن تھوڑی دیر بعد ایران کے سرکاری میڈیا نے بتایا کہ 10 اہلکار ہلاک ہو گئے ہیں۔
افغانستان، ایران اور پاکستان کے بلوچ عوام کے لئے ایک وکالت کرنے والے گروپ ”HalVash“ نے تصاویر اور ویڈیو پوسٹ کیں جن میں ایرانی پولیس کی گاڑیوں کے زیر استعمال سبز پٹیوں سے پینٹ شدہ ایک معذور ٹرک دکھائی دیا۔ گروپ کی جانب سے شیئر کی گئی ایک گرافک تصویر میں دکھایا گیا ہے کہ ٹرک کی اگلی سیٹ پر دو پولیس افسران کی لاشیں ہیں۔
ہلواش نے کہا کہ ایسا لگتا ہے یہ حملہ سکیورٹی فورس کی دو گاڑیوں کو نشانہ بنانے کے لئے کیا گیا تھا اور ان میں سوار تمام افراد مارے گئے تھے۔ ایسا لگتا ہے کہ ٹرک کو کسی دھماکہ خیز مواد کے استعمال کے بجائے صرف گولیوں سے نقصان پہنچا ہے۔
سرکاری خبر رساں ایجنسی ”اِرنا“ (IRNA) نے کہا ہے کہ ملک کے وزیر داخلہ سکندر مومنی نے اس واقعے کی تحقیقات کا حکم دیا ہے۔