سرینگر (ویب ڈیسک) مقبوضہ جموں و کشمیر میں بس کھائی میں گرنے سے بھارتی بارڈر سیکیورٹی فورس کے 4 اہلکار ہلاک اور 28 زخمی ہوئے۔
آج نیوز کے مطابق یہ حادثہ ضلع بڈگام کے علاقے بریل میں ہوا، فوجی الیکشن ڈیوٹی کے لیے جارہے تھے۔ یہ بس فوجیوں کی منتقلی کے لیے کرائے پر حاصل کی گئی تھی۔
مقامی آبادی نے ریسکیو ٹیم کے آنے سے قبل زخمیوں کو نکال کر ہسپتال روانہ کیا۔ چند زخمیوں کی حالت نازک بتائی جاتی ہے۔کھائی میں گرنے سے بس مکمل طور پر تباہ ہوگئی۔