بیجنگ )سمارٹ فون بنانے والی چینی کمپنی آنر نے اپنی ایکس سیریز کا نیا اور سٹائلش سمارٹ فون ’ایکس 7 سی‘متعارف کرادیا ہے۔ مارکیٹ میں اس سمارٹ فون کو فیچرز اور قیمت کے حوالے سے مناسب قرار دیا جارہا ہے۔
آنر کا ’ایکس 7 سی‘ واٹر پروف اور ڈسٹ پروف سمارٹ فون ہے جس کی سکرین 7۔6 انچ سکرین ہے اور اسے اینڈرائیڈ 14 کے حامل میجک او ایس آپریٹنگ سسٹم کے ساتھ متعارف کرایا گیا ہے۔
آنر کا ’ایکس 7 سی‘ کو 6 اور 8 جی بی ریم جبکہ 128 جی بی اور 256 جی بی میموری کے ساتھ متعارف کرایا ہے۔ اس کے فرنٹ پر 8 میگا پکسل سیلفی کیمرا دیا گیا ہے جبکہ بیک پر 108 اور 2 میگا پکسل کے 2 کیمرے دیے گئے ہیں۔ کمپنی نے دعویٰ کیا ہے کہ کیمرا ٹیکنالوجی کو نئے اور بہترین ٹیکنالوجی فیچرز سے لیس کیا گیا ہے۔
آنر کے اس نئے سمارٹ فون میں ایک دلچسپ فیچر بھی پیش کیا گیا ہے، سیلفی کیمرا استعمال کرنے کے دوران اگر کوئی کال، میسیج یا کوئی دوسرا نوٹیفکیشن آئے تو وہ پاپ اپ کی صورت میں سکرین پر ظاہر ہوگا، اس کے باوجود سیلفی کیمرا اپنا کام کرتا رہے گا۔
’آنر ایکس 7 سی‘ میں 600 ہزار ایم اے ایچ بیٹری اور 35 واٹ کا فاسٹ چارجر فراہم کیا گیا ہے تاہم فون کو بعض ممالک میں 5200 ایم اے ایچ بیٹری کا کم قیمت ویرینٹ بھی پیش کیا جاسکتا ہے۔
’آنر ایکس 7 سی‘ کے 8 جی بی ریم اور 256 جی بی میموری کے ساتھ ویرینٹ کی پاکستانی قیمت 67 ہزار روپے رکھی گئی ہے جبکہ 6 جی بی ویرینٹ کی قیمت 60 ہزار روپے تک رکھی گئی ہے۔